მალე კახეთში ატმის კრეფა დაიწყება. გურჯაანის მერიის ინფორმაციით, წელს ფერმერებს მოსავლის რეალიზაცია რომ არ გაუჭირდეთ, ამისათვის აქტიურად მუშაობენ. მერის მოადგილის, ნიკა გეთიაშვილის განცხადებით, უკრაინაში, ბელორუსიასა და აზერბაიჯანში იმპორტიორებთან მოლაპარაკებები მიმდინარეობს, რათა ატმის რეალიზაცია ოპერატიულად განხორციელდეს. გარდა ამისა, მერია აზიის განვითარების ფონდთან აქტიურად თანამშრომლობს, რათა ექსპორტზე გასატანი პროდუქციის გადამუშავება მოხდეს.