დაავადებათა კონტროლის ეროვნული ცენტრის კახეთის რეგიონული განყოფილების ხელმძღვანელის, ნელი ხიზანიშვილის ინფორმაციით, კახეთში ეპიდსიტუაცია სტაბილური და მართვადია. სექტემბერში „კოვიდ 19“-ის 52 ლაბორატორიულად დადასტურებული შემთხვევაა რეგისტრირებული, მათ შორის ყველაზე მეტი, 18 შემთხვევა ახმეტის მუნიციპალიტეტში გამოვლინდა. თელავისა და საგარეჯოს მუნიციპალიტეტებში კი ინფიცირების არცერთი შემთხვევა არ დადასტურებულა. ამჟამად 3 საკარანტინე სივრცეში იზოლირებულია 68, თვითიზოლაციაში კი 118 მოქალაქე რჩება.