მართლმადიდებელი ეკლესია 14 სექტემბერს ინდიქტიონის, ანუ ეკლესიური ახალი წლის დაწყებას აღნიშნავს. არსებული ინფორმაციით, ამ თარიღის დაწესება პირველი მსოფლიო კრების გადაწყვეტილებას უკავშირდება და მისი აღნიშვნა რამდენიმე მოვლენამ განაპირობა. წმინდა სახარების მიხედვით, სწორედ ამ დღეს შევიდა ნაზარეთში მყოფი მაცხოვარი სინაგოგაში და ესაია წინასწარმეტყველის სიტყვები წაიკითხა: „სული უფლისაი ჩემ ზედა, რომლისათვის მცხო მე ქადაგებად წელიწადი უფლისა შეწყნარებული".