კახეთის რეგიონს კორონავირუსის სამკურნალო 200 კოლოფი "პაქსლოვიდი" გადაეცა. პრეპარატი უკვე შეიტანეს თელავის რეფერალურ ჰოსპიტალში. საავადმყოფოს მენეჯერის, ხათუნა ჭონიაშვილის განმარტებით, მედიკამენტი შესაბამისი მიმართვის საფუძველზე გაიცემა. საქართველო პირველი ქვეყანაა რეგიონში, სადაც COVID-19-ის სამკურნალო მედიკამენტი პაციენტებს უფასოდ გადაეცემა. ის 90%-მდე იცავს დაავადებას გართულებისგან. მკურნალობის კურსი 5 დღეს მოიცავს. პრეპარატი მსუბუქი და საშუალო სიმძიმის იმ პაციენტებისთის გაიცემა, ვისაც დამძიმების მაღალი რისკი აქვს. პრეპარატის დანიშვნის შესახებ გადაწყვეტილებას, ოჯახის ექიმი მიიღებს. COVID-19-ის სამკურნალო მედიკამენტი კომპანია Pfizer-მა შექმნა.