დაგვიკავშირდით

0353 22 33 30

12 +

საგანგებო სიტუაციების მართვის სამსახურმა კახეთში ხანძრების პრევენციის მიზნით ღონისძიებები გამართა

საგანგებო სიტუაციების მართვის სამსახურმა კახეთში ხანძრების პრევენციის მიზნით ღონისძიებები გამართა

23-06-2022, 08:20

88 - ჯერ



საგანგებო სიტუაციების მართვის სამსახურმა კახეთში ხანძრების პრევენციის მიზნით ღონისძიებები გამართა. ტყისა და მინდვრის ხანძრების პრევენციის მიზნით გამართულ შეხვედრაში შინაგან საქმეთა სამინისტროს საგანგებო სიტუაციების მართვის სამსახურის უფროსი, თეიმურაზ მღებრიშვილი, კახეთში სახელმწიფო რწმუნებული ირაკლი შიოშვილი, საქართველოს პარლამენტის წევრი გურამ მაჭარაშვილი და რეგიონში შემავალი მუნიციპალიტეტების მერები დაესწრნენ.
თემურ მღებრიშვილმა ტყისა და მინდვრის ცეცხლის გაჩენის ძირითად მიზეზებზე ისაუბრა და ხანძრების თავიდან არიდების პროცესში მუნიციპალიტეტების წარმომადგენლების ჩართულობის მნიშვნელობას გაუსვა ხაზი. შეხვედრისას განიხილეს მოსახლეობისთვის შესაბამისი ინფორმაციის მიწოდების მიზნით ერთობლივი ღონისძიებების დაგეგმვის საკითხები.
„საგანგებო სიტუაციების მართვის სამსახურის უფროსმა კახეთის მთავარი სამმართველოს მეხანძრე მაშველებს მადლობის სიგელები და უწყებრივი მედალი უმწიკვლო სამსახურისთვის გადასცა.
გარდა ამისა, თეიმურაზ მღებრიშვილმა ლაგოდეხის სახანძრო-სამაშველო განყოფილებას ტყის ხანძრებისთვის სპეციალიზებული სახანძრო-სამაშველო ავტომობილი გადასცა, რაც რეგიონის მასშტაბით, სახანძრო-სამაშველო ძალების დეპარტამენტის შესაძლებლობებს მნიშვნელოვნად გააუმჯობესებს. ავტომობილი სამსახურმა იაპონიის მთავრობის გრასრუტისა და ადამიანის უსაფრთხოების საგრანტო დახმარების (GGP) პროგრამის ფარგლებში მიიღო. სახანძრო ავტოცისტერნა გადაეცა კახეთის საგანგებო სიტუაციების მართვის მთავარი სამმართველოს ყვარლის განყოფილებასაც.
საგანგებო სიტუაციების მართვის სამსახურისთვის ხანძრების პრევენცია ერთ-ერთი პრიორიტეტული მიმართულებაა. ზაფხულის სეზონზე, მთელი საქართველოს მასშტაბით, იზრდება ტყის და მინდვრის ხანძრების გაჩენის რისკი, რაც ხშირად გამოწვეულია მოქალაქეების მიერ სასოფლო-სამეურნეო მიწებზე ცეცხლის დანთებით და დაუდევრობით. სამსახურისთვის, მსგავსი შემთხვევების თავიდან ასაცილებლად, მნიშვნელოვანია მზადყოფნის გაძლიერება როგორც ტექნიკური აღჭურვის, ასევე, ცნობიერების ამაღლების კუთხით“-ნათქვამია უწყების მიერ გავრცელებულ განცხადებაში.

კომენტარების ველი

პოპულარული სიახლეები ყველას ნახვა

გადაცემები