კალიფორნიაში ქართული ღვინის ფორუმი გაიმართა. ღონისძიება ქალაქ დევისსა და სან-ფრანცისკოში ჩატარდა. რიგით მეხუთე ფორუმის სამდღიანი პროგრამა მოიცავდა „საფერავის ფესტივალს“, ქართული ღვინის დეგუსტაციას და კონფერენციას, რომელიც მეცნიერების, ეკონომისტებისა და ღვინის პროფესიონალების მონაწილეობით ქალაქ დევისის რობერტ მონდავის ინსტიტუტში გაიმართა. ფორუმი ღვინის ეროვნული სააგენტოსა და სან-ფრანცისკოში საქართველოს გენერალური საკონსულოს მხარდაჭერით ჩატარდა.