ქალები რეგიონში - მიღწევები და გამოწვევები’’ - კახეთში, ამ სახელწოდების კონფერენცია გაიმართა. ღონისძიება გენდერული ძალადობის წინააღმდეგ 16-დღიან გლობალური კამპანიის ფარგლებში ჩატარდა. შეხვედრაზე რეგიონში ქალთა უფლებრივ მდგომარეობაზე ისაუბრეს და ამ მიმართულებით არსებული მიღწევები და გამოწვევები განიხილეს. შეხვედრის ბოლოს გაიმართა დაჯილდოება. მე-19 საუკუნის ქართველი საზოგადო მოღვაწის, ბარბარე ერისთავ-ჯორჯაძის სახელობის პრემია - 2022 თელავის ახალგაზრდა იურისტთა ასოციაციის ხელმძღვანელს გადაეცა. მარეხ მგალობლიშვილი, როგორც კახეთის რეგიონში ქალთა უფლებადამცველი ქალი, არასამთავრობო ორგანიზაციებმა ერთობლივად დაასახელეს. ღონისძიება ,,კახეთის რეგიონალური განვითარების ფონდის’’ინიციატივითა და ორგანიზებით ჩატარდა.