საქართველოს მუნიციპალიტეტებში ახალი პროექტი იწყება. შესაბამისი დადგენილება, რომელიც მწვანე ნარგაობათა შერჩევის, დარგვისა და მოვლის პირობებს ეხება, მთავრობის სხდომაზე მიიღეს. ახალი ინიციატივის თანახმად, ურბანულ გარემოში რეკრეაციული სივრცეები შეიქმნება, რაც ხელს შეუწყობს მოსახლეობის ჯანმრთელობის, კეთილდღეობისა და ცხოვრების ხარისხის გაუმჯობესებას. მსგავსი სამუშაოების განხორციელება რომ სასიცოცხლოდ მნიშვნელოვანია, ამაზე საუბრობენ გურჯაანშიც. გამოკითხული რესპონდენტების თქმით, მწვანე საფარი ჯანსაღ და სუფთა გარემოს შექმნის.