დღეს ალავერდობაა. 28 სექტემბერს მართლმადიდებელი ეკლესია 13 ასურელ მამათაგან ერთ-ერთის, ღირსი აბბა იოსებ ალავერდელის ხსენებას აღნიშნავს. დღესასწაულს განსაკუთრებით ახმეტის მუნიციპალიტეტში, სოფელ ალავერდში ზეიმობენ. ტაძრის მოსალოცად მორწმუნეები საქართველოს სხვადასხვა კუთხიდან ჩამოდიან. იოსებ ალავერდელი ცამეტ ასურელ მამასთან ერთად საქართველოში სირიიდან მე-6 საუკუნეში შემოვიდა და იმ ადგილას დაემკვიდრა, სადაც დღეს ალავერდის სამონასტრო კომპლექსია აგებული. წმინდანი თავისივე აშენებულ ალავერდის ტაძარშია დაკრძალული.