ფსიქოტროპული მედიკამენტების რეცეპტების უკანონო გაცემის ფაქტი კახეთში. საქართველოს ფინანსთა სამინისტროს საგამოძიებო სამსახურმა კომერციული მოსყიდვის ფაქტზე, სისხლისსამართლებრივი დევნა ორი პირის მიმართ დაიწყო. გამოძიების ინფორმაციით, ბრალდებულები კახეთის ერთ-ერთ კერძო სამედიცინო დაწესებულებაში მუშაობდნენ. ისინი დაინტერესებულ პირებზე შესაბამისი ფულადი თანხის სანაცვლოდ, სათანადო სამედიცინო შემოწმებისა და ლაბორატორიული კვლევის გარეშე, ფსიქოტროპული მედიკამენტების რეცეპტებს გასცემდნენ.